Tenda

Correspondencia entre M. María e Otero Pedrayo (1951-1974)

Correspondencia entre M. María e Otero Pedrayo (1951-1974)
12.00 €
Engadir ao carriño
Tipo de publicación: Libro
Ano: 2014
Páxinas: 129
ISBN: 978-84-942893-1-6

Sinopse/Descrición

Recolle a correspondencia entre estes dous vultos da literatura e cultura galega contemporánea, así como un amplo estudo introdutorio de Xosé M. Sánchez Rei e Estefanía Mosquera. Embora pertencentes a xeracións diferentes, os dous mantiveron unha interesante relación de admiración e respecto mutuos e partillaron o compromiso co país e cos sinais identitarios do pobo galego tal como se pode aprezar na presente publicación.

Escolma


 

 

Trasalba 27-XII-1958.

 

Sr. Dn. Manuel Maria. Lugo

 

Querido e lembrado poeta: Vai meu saudo de amigo e miña espranza dos días crecedeiros agradecendo o cantigar de augas novas da sua panxoliña diste ano. Cando penso no norde, en Lugo e seus poetas de abrente e luzada espreito pra Serra Martiñá(1) e endexamáis falla un ventiño fresqueiro e baril, unha nuben i alba, pura e metafísica.

 

Estou desexando vernos de novo en Compostela coma nos tempos de fai pouco que xa semellan vellos cando eu podía falar cada mañán dende a cadeira.

¡Qué o 59 nas suas ponlas agrome novos poemas de Manuel María!

 

Sempre o vello amigo.

 

Ramón Otero Pedrayo.

 

 

 

 

1 A Serra da Martiñá áchase entre as actuais provincias de Lugo e Ourense.

Deputación de LugoDeputación da CoruñaConsellería de Cultura, Educación e Ordenación UniversitariaConcello de LugoConcello de OleirosFEADERagaderLEADERMinisterio de Agricultura, Alimentación y Medio AmbienteConsellería do Medio RuralTerras de Lugo