Fundación Manuel María de Estudos Galegos
02/11/2019
A proposta escénica desta peza de Manuel María resultou gañadora do I Certame Manuel María de Proxectos Teatrais
Teatro da Ramboia estreará este xoves, día 7 de novembro, ás 20.30 hrs, no auditorio de Ourense, a súa proposta escénica da peza teatral escrita por Manuel María O meu mundo non é deste reino (ou Farsa de Bululú). A proposta resultou gañadora do I Certame Manuel María de Proxectos Teatrais.
Anxo García e Fran Lareu, dirixidos por María Peinado, forman o elenco da nova produción de Teatro da Ramboia.