Noticias
Quico Cadaval actuará o venres, 2 de decembro, na Casa-Museo Manuel María
"Manuel o aduaneiro" é o título do espectáculo que se representará ás 20.30 hrs no auditorio da Casa-Museo. Prezo da entrada: 5 €.
As entradas pódense reservar previamente no correo-e contacto@casamuseomanuelmaria.gal ou no teléfono 698177621.
O próximo venres, 2 de decembro, na Casa-Museo Manuel María, ás 20.30 hrs, o actor e director teatral, Quico Cadaval levará á escena Manuel, o aduaneiro.
Quico Cadaval presenta o espectáculo da seguinte maneira:
"As estórias de vida perdem-se na sombra da memória, na biblioteca ágrafa da aldeia. Só as palavras podem invocá-las.
En Manoel o aduaneiro regresam as anedotas do mundo labrego desaparecido. Nos tempos nos que as vacas eram sagradas e o pam mais caro que o marisco.
Marinheiros, cans de raiva, orquestrinas, militares, naufrágios, barbeiros, leiteiras, escapados, moças, sementais, curas, desembarques, alcaldes (fascistas), auroras boreais, parteiros, doutores, o Santo Eleutério, umha noiva, um aduaneiro e as vacas. Muitas vacas."