Noticias
Pirilampo presenta o seu traballo "Teatro de guiñol"
-(1).jpg;jsessionid=CFA7A503A78C8A12D78375B090B245FD)
18/04/2017
A Casa-Museo Manuel María, a ANPA do CEIP Laverde Ruíz de Outeiro de Rei e a ANPA do CEIP Otero Pedrayo de Rábade programan para o sábado, 29 de abril, ás 18 horas no auditorio da Casa-Museo a presentación do grupo PIRILAMPO co seu traballo musical "Teatro de guiñol".
O espectáculo baseado en once poemas retranqueiros e festivos de Manuel María, tirados dos poemarios As rúas do vento ceibe, Os soños na gaiola eTerra Chá, serven de base para unhas cancións pensadas para os máis novos e as súas familias. A natureza, O vento, A fala, Anduriñas, Neve ou o propio Teatro de guiñol son algúns dos textos das melodías.
O prezo da entrada para este espectáculo é de 2€. As entradas pódense reservar anticipadamente a través do correo electrónico contacto@casamuseomanuelmaria.gal ou do teléfono 698 177 621. Poderanse retirar na propia Casa-Museo desde 1 hora e até 10 minutos antes do inicio da función, pagándose no momento. Se despois da reserva aínda as houbese, poranse á venda as entradas dispoñíbeis até completar o aforo do auditorio.