Actividades

Paloma Suanzes en concerto, este sábado día 30 de marzo

Paloma Suanzes en concerto, este sábado día 30 de marzo

24/03/2019

Este sábado, día 23 de marzo, ás 20 hrs, Paloma Suanzes dará un concerto na Casa-Museo Manuel María.

 
O espectáculo musical que leva por título “Verbas de Auga” será un concerto íntimo dos que vén dando, nestes últimos anos, esta cantautora de longa traxectoria musical.
 
Paloma Suanzes publicou en 1999 un disco “Feitizo” e colaborou noutros traballos como “Catro mulleres, catro estilos, catro voces”, xunto a María Manuela, Julie Guravich e Claudia Campos. Compartiu escenario, entre outras, con Uxía Senlle, María Manuela, Sonia Lebedynski, Mercedes Peón, Susana Seivane, Rosa Cedrón, Guadi Galego e Ugia Pedreira, no espectáculo “Son Delas”. Xunto a Miguel Mosquera creou o dúo musical, “Alba Nocturna”.
 
Nos últimos anos, alén de pequenas actuacións, Paloma Suanzes centrouse na súa formación, adicándose a compor, escribir e formarse como directora de coro, cantante lírica e mestra de música. Na actualidade, prepara a gravación de novos temas que formarán parte dun novo proxecto musical persoal.
 
A entrada é libre até encher o aforo. Reservas en contacto@casamuseomanuelmaria.gal ou no tel 698177621.