O Diario da Casa

O Grupo de Zanfonas da Tradescola actuou esta tarde no auditorio da Casa-Museo Manuel María, e fíxoo interpretando, ao estilo tradicional de cantar e tocar a zanfona, toda unha serie de cantos de cego e de pezas doutros grupos que tocan ou tocaron a zanfona.

Entre as cancións, salientar dous poemas de Manuel María, O carro e As Encrobas. 

Durante o concerto soou a zanfona “Carneifona”, gañadora do prestixioso premio da artesanía de Galiza Antón Fraguas, na sua X edición, e que foi feita polo luthier de Outeiro de Rei, Xaneco (membro tamén do grupo).