O Diario da Casa

Nova xornada de traballo de catalogación da biblioteca da Casa-Museo

Nova xornada de traballo de catalogación da biblioteca da Casa-Museo
11/02/2017

Unha equipa de amigas e amigos da Fundación e Casa-Museo Manuel María traballan voluntaria e desinteresadamente desde hai varios anos nos traballos de localización, inventariado e catalogación dos valiosísimos fondos bibliográfico e documental que o poeta foi atesourando durante a súa vida

 

Este sábado 11 de febreiro a Casa-Museo volveu acoller unha xornada de traballo da nosa equipa voluntaria de catalogadoras e catalogadores da biblioteca persoal de Manuel María, unha das alfaias que garda a casa de Outeiro de Rei na que poeta naceu en 1929 xunto a outras coleccións, obxectos persoais e elementos dun máis que valioso legado material. 

Este grupo de persoas, amigas e amigos da Fundación e Casa-Museo Manuel María, veñen colaborando desde hai varios anos, de xeito totalmente desinteresado no seu tempo libre, nos traballos necesarios para a localización, inventariado e catalogación dos extensos fondos bibliográfico e documental que o poeta foi atesourando ao longo de toda a súa vida. Eses fondos fóronse trasladando desde a morada familiar de Manuel María na cidade da Coruña, na que residiu os últimos anos da súa vida, a Outeiro de Rei. Cando a súa casa natal foi acondicionada e inaugurada como sede da Fundación encargada de custodiar o seu legado e como espazo museístico fíxoo xa co groso deste importantísimo legado bibliográfico trasladado.

Trabállase agora na catalogación dun valiosísimo fondo conformado por uns 12.000 volumes, a imponente colección particular que o poeta foi construindo ao longo de toda unha vida, co obxectivo de que facer da biblioteca un recurso máis dos que a Casa-Museo pon a dispor de todo o pobo galego para convidar a coñecer máis e mellor a Manuel María. Búscase que a biblioteca e fondo documental sexan accesíbeis a todos os públicos interesados, sempre baixo unhas condicións parellas ás que rexen para outros fondos e coleccións.

Deputación de LugoDeputación da CoruñaConsellería de Cultura, Educación e Ordenación UniversitariaConcello de LugoConcello de OleirosFEADERagaderLEADERMinisterio de Agricultura, Alimentación y Medio AmbienteConsellería do Medio RuralTerras de Lugo