Actividades
"A rosa incandescente" protagoniza a homenaxe que a Casa-Museo Manuel María lle rende a Rosalía de Castro
A curtametraxe irá acompañada dun coloquio, coa guionista do filme, Anxos García Fonte, e dunha lectura pública da obra de Rosalía
Este venres, día 23 de febreiro, é o día en que se conmemora o nacemento de ROSALÍA DE CASTRO e a Casa-Museo Manuel María quere festexar esta efeméride o sábado, día 24, cunha actividade que renda homenaxe a Rosalía e a súa obra.
A actividade comezará ás 19 horas. A entrada é libre e consistirá no seguinte:
-Lectura pública da propia obra de Rosalía (aquelas persoas que se queiran animar a ler un pequeno texto da obra de Rosalía deben de comunicalo ao correo da Casa-Museo, contacto@casamuseomanuelmaria.gal, ou a través do whatsapp, 698117621, dicindo, ao mesmo tempo, o título do poema ou anaco de poema que queren ler. O momento para esta lectura pública durará non máis de 20 minutos).
-Proxección de A ROSA INCANDESCENTE. Curtametraxe de 27 minutos, dirixida por David Vázquez, con guión de Anxos García Fonte e protagonizada por Alba López. Este filme vainos achegar unha Rosalía de Castro cercana e directa que nos conta ela mesma algúns dos aspectos fundamentais da súa obra. Rosalía é a mesma rosa incandescente de intelixencia, sensibilidade e paixón polo que fai.
-Coloquio final coa guionista do filme, Anxos García Fonte.
Para asistir á actividade é necesario reservar en contacto@casamuseomanuelmaria.gal ou no whatsapp 698177621