Actividades

A Casa-Museo Manuel María acolle a presentación do novo traballo discográfico de De Ninghures

A Casa-Museo Manuel María acolle a presentación do novo traballo discográfico de De Ninghures

23/02/2023

Será este sábado, 25, ás 20 horas

Este sábado 25 de febreiro, ás 20 horas, a Casa-Museo Manuel María acolle unha nova actividade cultural dentro da programación que realiza de xeito continuado no seu auditorio. Neste caso será a presentación do novo traballo musical “Aquí” do grupo De Ninghures. O traballo consta de once temas de composición propia e de arranxos sobre melodías de pezas tradicionais, con influencias de músicas do mundo, desde merengue até rock do deserto.
Sete músicos, Aldara Palmeiro, Hadrián García, Marta Álvarez, Manuel Lucas, Manuel Fernández, Adrián Méndez e Tomé Mouriño, que farán desfrutar ás persoas asistentes tocando xuntos as músicas de raíz cunha grande variedade de instrumentos: viola caipira, bongos, frauta traveseira, violín, bombo, ukelele, acordeón, pandeireta, clarinete, gaita, guitarras, pandeiro, cabás...
Os propios membros de De Ninghures cualifican a súa proposta como “música con conciencia e consciencia galega, cos pés chantados no país e os brazos abertos ao que veña”.
É necesario reservar para asistir ao concerto en contacto@casamuseomanuelmaria.galou a través do whatsapp 698177621
 
https://www.youtube.com/watch?v=PUPSminl_IA
https://www.youtube.com/watch?v=CBaikdiQmjE
https://www.youtube.com/watch?v=P_mJGsIC2A